NFO म्हणजे काय ?

 

पुढील महिन्यापासून म्युच्युअल फंड NFO जारी करू शकतात. एसोसिएशन ऑफ म्युच्युअल फंड इन इंडियाने पूल खाती पूर्णपणे वापरणे थांबवण्याची हमी दिल्यानंतर आणि नवीन प्रक्रिया लागू होताच नवीन फंड ऑफर सुरू होतील. 

 NFO म्हणजे काय ?

जेव्हा एखादी मालमत्ता व्यवस्थापन कंपनी नवीन योजना लाँच करते तेव्हा तिला नवीन फंड ऑफर म्हणतात. फंड हाऊसेस त्यांच्या उत्पादनाच्या बास्केटला पूरक म्हणून एनएफओ लाँच करतात. एनएफओ उघडण्याचा आणि बंद करण्याचा कालावधी असतो. काही लोक फंड हाऊसचे आयपीएओ आणि एनएफओ सारखेच मानतात, हा त्यांचा गैरसमज आहे. दोघांमध्ये दिवस आणि रात्री प्रमाणे फरक आहे. कंपनी आपल्या व्यवसायाच्या विस्तारासाठी किंवा इतर गरजांसाठी बाजारातून आयपीओद्वारे पैसा उभा करते. त्याचवेळी, फंड हाऊस एनएफओमधील गुंतवणूकदारांकडून पैसे गोळा करते आणि ते सिक्युरिटीजमध्ये (शेअर, बाँड, सोने इ.) गुंतवते.

 

एनएफओमध्ये गुंतवणूक करावी का?

आर्थिक सल्लागारांचे म्हणणे आहे की गुंतवणूकदारांनी त्यांच्या पोर्टफोलिओमध्ये एनएफओची गरज वाटत असेल तरच गुंतवणूक करावी. किंवा कदाचित एक थीम आहे ज्यावर त्यांना लक्ष केंद्रित करायचे आहे. एनएफओ विशेष असेल आणि तुमच्या पोर्टफोलिओमध्ये बसत असेल तरच एनएफओमध्ये गुंतवणूक करावी. आर्थिक उद्दिष्टे साध्य करण्यासाठी, मुख्य पोर्टफोलिओ इक्विटी आणि डेट फंडातून वैविध्यपूर्ण असावा.

 

ट्रॅक रेकॉर्ड नसतो

एनएफओ हा नवीन फंड असल्याने त्याच्याकडे कोणताही ट्रॅक रेकॉर्ड नाही. म्हणूनच बहुतेक गुंतवणूकदार फंड हाऊसच्या मागील कामगिरीकडे पाहतात आणि त्याच्या एनएफओमध्ये गुंतवणूक करतात. पण ही योग्य रणनीती नाही. मजबूत ट्रॅक रेकॉर्ड असलेल्या फंडात गुंतवणूक करणे नेहमीच फायदेशीर ठरते.

 सारांश

NFO मध्ये गुंतवणूक करणे म्हणजे अंधारात बाण मारण्यासारखे आहे. त्यामुळे अनिश्चिततेऐवजी, मजबूत ट्रॅक रेकॉर्ड असलेल्या फंडांमध्ये गुंतवणूक करा. जर NFO काही खास असेल आणि तुमच्या पोर्टफोलिओमध्ये बसत असेल, तर त्याची थीम आणि गुंतवणूकीची रणनीती नमूद केलेल्या उद्दिष्टासाठी योग्य आहे का हे पाहण्यासाठी थोडा वेळ थांबा.

Current NFO: Franklin Templeton: 

https://www.franklintempletonindia.com/campaign/franklin-india-balanced-advantage-fund-nfo

Suitability subject to Advisory Discussion !!

  

भारतीय डाक विभाग : विमा योजना

 

भारतीय डाक विभाग अर्थात India Post Office ने देशातील गरीब आणि मध्यमवर्गीय कुटुंबांसाठी नवीन योजना सुरू केली आहे. २९९ किंवा  ३९९ रुपयांमध्ये ही नवीन विमा योजना (Post office Accident Insurance Scheme) सुरू केलेली आहे. या योजनेंतर्गत १० लाख रुपयांचे विमा कवच प्रदान करण्यात येणार आहे. 

पोस्ट ऑफिसमध्ये या विमा योजना अंतर्गत तुम्हाला विम्याची रक्कम ही वार्षिक भरायची आहे. याचा अर्थ असा की, तुम्हाला वर्षभरात एकदाच २९९ किंवा  ३९९ रुपये भरायचे आहेत. त्या बदल्यात तुम्हाला वर्ष भरासाठी सुमारे १० लाख रुपयांचे सुरक्षा कवच मिळणार आहे. एक वर्षानंतर पुढील वर्षासाठी योजना सुरू ठेवण्यासाठी जवळच्या पोस्ट ऑफिसमध्ये जाऊन नूतनीकरण करायचे आहे. त्यानंतर पुन्हा एक वर्षासाठी अपघात विमा संरक्षण प्रदान करण्यात येईल. 

वय वर्षे 18 ते 65 वर्षीय नागरिक या योजनेचा लाभ घेऊ शकतात. सर्व प्रकारचे अपघात, सर्पदंश, विजेचा शॉक, फरशीवरून घसरून पडून मृत्यू, पाण्यात पडून मृत्यू यात कव्हर आहेत. 

 नेमकी काय आहे ही योजना…

 > विमाधारकाचा व्यक्तीचा अपघाती मृत्यू झाल्यास १० लाख रुपये प्रदान करण्यात येतात.

> विमा धारकास कायमचे अपंगत्व आल्यास १० लाख रुपये प्रदान करण्यात येतात.

> विमा योजना दवाखान्याचा खर्च करण्यासाठी 60 हजार रुपये प्रदान करण्यात येतात.

> या पोस्ट ऑफिस अपघात विमा योजना अंतर्गत विमाधारकाच्या किमान दोन या मुलांच्या शिक्षणासाठी 1 लाख रुपये प्रदान करण्यात येतात.

> विमाधारकास हॉस्पिटलमध्ये दाखल करण्यात आले असेल तर दाखल केलेल्या दररोज १ हजार रुपये प्रति दिवस असे १० दिवसांपर्यंत देण्यात येतात.

> विमाधारकास OPD खर्च हा 30000 रुपये प्रदान करण्यात येतात.

> विमाधारकास पॅरालिसीस झाल्यास त्यास १० लाख रुपये प्रदान करण्यात येतात.

> विमाधारक व्यक्तीचा कुटुंबास दवाखानात प्रवासासाठी प्रवास खर्च म्हणून २५,००० रुपये प्रदान करण्यात येतात.

 

२९९आणि ३९९ रुपयांच्या विमा पॉलिसीत काय आहे फरक?

पोस्ट ऑफिसअंतर्गत २९९ व ३९९ रुपयांच्या अपघात विमा योजनेत काय फरक आहे असा प्रश्न तुम्हाला पडला असेल. एकच फरक आहे. ह्या सारख्याच आहे. ३९९ च्या योजनेत विमाधारकाच्या अपघाती मृत्यूनंतर दोन मुलांना १ लाखांपर्यंतची मदतही शिक्षणासाठी मिळू शकते तर ही मदत २९९च्या अपघात विमा योजनेत मिळणार नाही. त्याच प्रमाणे ३९९ योजनेत अंत्यसंस्कार खर्च, वाहतूक खर्च,शिक्षण खर्च देण्यात येतो. हा खर्च २९९ योजनेत मिळत नाही.

 कसा कराल अर्ज..?

पोस्ट ऑफिस २९९आणि ३९९ रुपयांचा विमा योजना लाभ घ्यायचा असल्यास तुम्ही ऑफलाईन पद्धतीने अर्ज करू शकतात. विमा योजनेचा लाभ घेण्यासाठी तुमच्याकडे इंडिया पोस्ट पेमेंट बँक असणे आवश्यक आहे. ते नसल्यास तुम्हाला पोस्ट ऑफिसमध्ये जाऊन आधी काढून घ्यावे लागेल. यासाठी तुम्ही पोस्टमन आणि पोस्ट ऑफिसातील कर्मचाऱ्यांची मदत घेऊ शकता.